Durrës

Durrësi ndodhet në bregdetin e Detit Adriatik, rreth 35 kilometra larg Tiranës. Është qyteti i dytë më i madh dhe më i vjetër në Shqipëri. I favorizuar nga pozita e tij gjeografike, Durrësi është lehtësisht i arritshëm për vizitorët. Nëse nuk ndodheni në Shqipëri dhe preferoni të udhëtoni me det, mund të hipni në një traget dhe të mbërrini direkt në Durrës. Porti i tij është më i madhi në vend dhe lidhet me portet e tjera në Itali.

Nëse keni mbërritur në Shqipëri , do të gjeni lehtësisht shërbime të ndryshme në aeroport që mund t'ju çojnë në qendrën e qytetit të Durrësit. Makinat, taksitë dhe transporti publik janë gjithmonë në dispozicion.

Durrësi u ndërtua rreth vitit 627 p.e.s. Me një histori më shumë se 3000 vjeçare, qyteti është i pasur me histori, arkitekturë dhe vendbanime arkeologjike. Një nga atraksionet më të njohura është Amfiteatri Romak. Me më shumë se 15,000 vende, ai është amfiteatri i dytë më i madh në Ballkan. Në Muzeun Arkeologjik do të keni mundësinë të shihni një nga strukturat arkeologjike më të njohura të zbuluara në Durrës, që vendasit e quajnë "Bukuroshja e Durrësit". Është një mozaik që daton në shekullin IV p.e.s. Të tjera vende kulturore dhe historike që mund të vizitoni janë Muzeu Etnografik, Xhamia e Madhe, Kalaja dhe Kulla e Venecianëve.

Me vijën e saj të gjatë bregdetare me rërë, Durrësi ofron shumë më tepër për vizitorët dhe vendasit. Ka disa plazhe brenda dhe përreth qytetit. Ju mund të shijoni ujërat e pastra, rërën dhe diellin e ngrohtë. Përveç plazhit në Durrës, disa të tjera në afërsi janë Plazhi i Malit të Robit, Plazhi i Currilave, Kepi i Rodonit dhe Plazhi i Porto Pallermos.